Мұғалімдердің жалақысы көбеймек

Енді жаңартылған бағдарлама бойынша білім беретін мұғалімдердің жалақысы 30 пайызға көбеймек. ҚР Үкіметінің арнайы қаулысына сәйкес, ұстаздар белгіленген нормативтік жүктемеден артық жұмыс істейтін болса, сол үшін үстеме жалақы алатын болады. Сондай-ақ, педагогикалық шеберлік үшін төленетін қосымша ақы тағы бар. Білім беру мекемелеріндегі педагог-зерттеуші, сарапшы, модераторларға 30-дан 50 пайызға дейін қосымша ақы да қарастырылыпты. Оларға бұрын жалақы нормативтік жүктеме бойынша төленетін болса, енді биылдан бастап, нақты жасалған жұмысқа ғана төленбек.