By 20.03.2019. Caspian News.
Қасым-Жомарт Тоқаев ресми түрде республика президенті лауазымына кірісті. Ант қабылдап, Отан игілігі үшін қызмет етуге уәде берген ол мемлекет басшысы ретінде алғаш рет сөз сөйледі.
Қасым-Жомарт Тоқаев 1953 жылы Алматы қаласында дүниеге келген. Мәскеу мемлекеттік халықаралық қатынастар институтын және Ресей Федерациясы Сыртқы істер министрлігінің дипломатиялық академиясын тәмәмдаған. Ғылыми дәрежесі бар. Түрлі дипломатиялық, сондай-ақ Қазақстан Республикасының Сыртқы істер министрі, премьер-министр, сенат спикері қызметтерін атқарды. «Нұр Отан» партиясының өкілі.
Қазақстан Республикасы орталық сайлау комиссиясының төрағасы Берік Имашев Тоқаевқа президент куәлігін, төсбелгісін, президент штандарты мен «Алтын Қыран» орденін табыс етті.
