Шетелден қайтқан Қазақстан азаматтары ел аумағына кіре алады. Және жүк тасымалдайтын, транзиттік автокөліктерді де ел аумағына кіргізу тоқтаған жоқ. Алайда ондағы тауарларды арнайы санитарлық-карантиндік және фитосанитарлық-ветеринарлық қызмет мамандары жіті тексеруден өткізеді. Ал жүк көліктері 1А санатына жататын мемлекеттерден келе жатқан болса, бірден кері қайтарылады. Әзірге мұндай деректер тіркелмеген. Сондай-ақ, белгілі бір талаптарға сәйкес келетін Қазақстан азаматтарының шекарадан шығуына рұқсат етіледі. Бұл туралы ҚР Ұлттық қауіпсіздік комитетіне қарасты шекара қызметінің өкілдері айтты.