ТАРИФ ТӨМЕНДЕДІ

2019-шы жылдың 1-ші қаңтарынан бастап коммуналдық қызметтердің, нақтырақ айтқанда, су, су тарту, жылу және көгілдір отынның тарифтері төмендеді. Естеріңізге сала кетейік, өткен жылы Елбасы Нұрсұлтан Назарбаев тұтынушыларға арналған тарифтерді төмендету туралы тиісті орындарға тапсырма берген болатын. Енді соған сәйкес, «Атырау Жылу электр Орталығы» АҚ өз қызметі үшін белгіленген бағаны 5,5, «Атырау Су Арнасы» коммуналдық мемлекеттік кәсіпорны 5, ал «ҚазтрансгазАймақ» АҚ 1,35 пайызға арзандатты.