Атырау, Caspian News.
Маңғыстауда жекпе-жектен өткен Қазақстан кубогінде атыраулық спортшылар 9 алтын және 6 күміс медаль қанжығалап, жалпы есепте екінші орынды иемденді. Мұндай нәтиже Атыраудың спорт тарихында бұрын соңды болмаған. 2005-2012 жылғы жасөспірімдер арасында өткен бұл додаға барлығы 17 команда қатысқан. Республикалық спорт федерациясы, Маңғыстау ұлттық спорт федерациясы және жергілікті спорт басқармасының өкілдерінен жасақталған төрешілер жеңімпаздарды анықтап, үздіктерге Мәскеу қаласында өтетін Әлем кубогі фестиваліне жолдама берді.