Мемлекет басшысының тапсырмасына сәйкес Маңғыстау облысындағы «МАЭК» кәсіпорнын жаңғырту бағдарламасы жасақталған еді. Жоспар бойынша су тұшыту, бу-газ қондырғылары мен турбоагрегат сынды жабдықтарды жаңғырту және салуға қатысты 6 негізгі жоба іске асу керек. Бұл туралы Астанадағы орталық коммуникациялар алаңында өткен брифингте Маңғыстау облысының әкімі Нұрлан Ноғаев айтты. Энергиямен қамтамасыз ететін МАЭК-тің қазіргі жағдайы мүшкіл. Тозу көрсеткіші 81 пайызға жеткен.