Атырауда мешіттер әзірге ашылмайды. Өңірде карантин талаптарының сақталуына байланысты, басқа өңірдегілердей өзгеріс болмайды. Бұл туралы облыстың бас имамы Алтынбек Ұтысханұлы айтты. Оның сөзінше, Алла үйі әзірше жабық. Қадір түнінде де жамағатпен намаз оқылмайды. Сондықтан құлшылықты үйде орындауға тура келеді.
Алтынбек ҰТЫСХАНҰЛЫ, Атырау облысының бас имамы
—Мешітіміздің 25-іне дейін өкінішке орай ашылмайтынын жеткізгіміз келеді. Яғни алдымыздағы тарауық намаздар мешітте оқылмайды. Жұма намаздар оқылмайды. Айт намазына дейін мұндай құлшылықтардың бәрі жабық болайын деп тұр. Қадір түні онлайн арқылы, әлеуметтік желілер арқылы жоспарлап отырмыз. Халыққа құлшылық ғибадаттармен, дұға-тілектермен өткізсек деп отырмыз.