Маңғыстау облысында аммиак пен карбамид өндіретін зауыт салынады. Бұл жоба 2028 жылы жүзеге асатыны жоспарланған.
LS ақпараттық агенттігінің мәліметінше, өндірісті іске қосу 637,5 млрд. теңгеге немесе 1,38 млрд АҚШ долларына бағаланып отыр. Осы орайда, жуырда Маңғыстау облысының әкімі Нұрдәулет Қилыбай құрылыс жобасын талқылау үшін инвесторлармен кездесті. Жоба ойдағыдай жүзеге асса ауыл шаруашылығы саласының қауіпсіздігі қамтамасыз етіліп, саланың алға қарай дамуына ықпал етеді,-деді өңір басшысы.