«Каспий Мұнай» АҚ Қазақстан мұнайының 125 жылдығына орай ашық есік күнін өткізді. Оған қоғам белсенділері мен БАҚ өкілдері қатысып, компанияның жұмысымен танысты. Алдымен қонақтарға Айранкөл кен орнында мұнайды өндіру процесі көрсетілді. Кейін автоматтандырылған өлшеу қондырғысының жұмысы мен мұнай жинау және дайындау пункттерінің қызметі кезең-кезеңімен таныстырылды. Сондай-ақ, өндіріс қалдықтарының қалай кәдеге жаратылатыны жөнінде айтылды.