Карантин тәртібі күшейтілді. Облыстың Бас санитарлық дәрігері қол қойған өзгертулерге сәйкес, қалада қоғамдық көліктер мен такси қозғалысына шектеу қойылды. Ал шаhар тұрғындарына жұмыс бабы бойынша, сонымен қатар, азық-түлік пен дәрі-дәрмек, одан өзге де аса қажетті заттарды сатып алу үшін тұрғылықты мекен-жайларына жақын жерге баруға, шұғыл медициналық көмекке мұқтаж болған жағдайларда ғана сағат таңғы 6-дан кешкі 8-ге дейін жүріп-тұруға жол беріледі. Саябақтар мен алаңдар, жағалаулар, ойын алаңқайларының және басқа да демалыс орындарының жұмыс істеуі тоқтатылды. Карантинге байланысты үйге жеткізіп беру қызметіне көшкен қоғамдық тамақтану орындарына тасымал таңғы сағат тоғыздан кешкі сегізге дейін рұқсат етіледі. Ал кәсіпорындарға қызметкерлерінің көбін қашықтан жұмыс жасатуға міндеттелді. Бас санитарлық дәрігердің № 31 қаулысы қол қойылған сәттен, яғни, 14 сәуірден бастап заңды күшіне енді және 2020 жылдың 1 мамырына дейін жарамды.
Алдыңғы
Келесі