Атырау, Caspian News.
Өңірімізде алғаш рет Атырау облыстық кәсіпкерлер палатасының қолдауымен дизайнерлер ассосациясы құрылып, екі жақ меморандумға қол қойды. Он саусағынан өнері тамған шеберлердің басын біріктіргендегі мақсат — олардың кәсіптерінің дамуына ықпал жасап, жергілікті дизайнерлердің есімін республикаға таныту. Сонымен қатар, ассоциация ауылдық жерлердегі аналарды тігіншілікке үйрететін курстар ашуды да қолға алып отыр екен. Енді ғана құрылған ассоциация дизайнерлерінің қазіргі таңдағы мақсаты — шеберлердің «Алтын оймақ» республикалық байқауына қатысып, жүлделі орын иемдену болып отыр.