Caspian News, 20 тамыз. Қазақстанда қаржы ұйымдарының жарнама саясатына қатысты талаптар қатаңдатылды. ҚР Қаржы нарығын реттеу және дамыту агенттігі (ҚНРДА) тұтынушылардың құқығын қорғау мақсатында банк жарнамаларына жаңа міндеттемелер енгізді.
Бұдан былай банктер өз қызметтерін жарнамалау кезінде өнімнің барлық шарттарын ашық әрі толық көрсетуге міндетті болады.
📋 Банктерге қойылған жаңа талаптар:
-
Ашықтық пен түсініктілік: Несие немесе депозит бойынша барлық тәуекелдер мен негізгі шарттар анық әрі оқырманға түсінікті тілде жазылуы тиіс.
-
Ұсақ қаріпке тыйым: Маңызды ақпаратты, жасырын комиссияларды немесе қосымша талаптарды ұсақ қаріппен (мелкий шрифт) жазуға немесе сілтемелік ескертпелердің астына жасыруға тыйым салынады.
-
Шынайы ұрандар: «Тегін» немесе «комиссиясыз» деген сөздерді тек қосымша жасырын шарттар болмаған жағдайда ғана қолдануға рұқсат етіледі.
-
Толық тарифтер: Сыйақы мөлшерлемесі (ЖТСМ), қызмет көрсету тарифтері мен барлық комиссия түрі толық көрсетілуі керек.
-
Жеңілдік шарттары: Жеңілдетілген (акциялық) мөлшерлеме ұсынылған жағдайда, оның қолданылу мерзімі мен алу талаптары жарнамада анық белгіленуі тиіс.