Атырау, Caspian News.
Осы уақытқа дейін атыраулықтар қоғамдық көліктің тапшылығы туралы жергілікті басшылыққа сан мәрте ұсыныс-шағым айтқан еді. Осыған орай, облыстық әкімдік жолаушылар тасымалының сапасын жақсарту мақсатында Теңізшевройл ЖШС-не тиісті ұсыныс білдірген болатын. Олар да өз кезегінде мұны жерде қалдырмай, қостанайлық «СарыарқаАвтоПром» ЖШС-мен келісім-шартқа отырып, «ANKAI» маркалы 30 автобус сатып алды.