Атыраулықтар «Сорос-Қазақстан» жаңа бастамаларды қаржылай қолдау» қоры бөлетін гранттарға белсенді қатыспайды. Бұл туралы бүгін қор өкілдері Атырау облыстық Азаматтық орталығында өткен үкіметтік емес ұйымдармен болған кездесуде мәлімдеді. «Сорос-Қазақстан» қоры мамандары елуден астам жергілікті қоғамдық ұйым өкілдерінің жобаларын тыңдап, грантқа қалай ұсыным білдіруге болатынын түсіндірді.