19 қыркүйек күні сағат 17:48 шамасында полицияға Аққыстау ауылының 30 жастағы тұрғыны хабарласқан. Айтуынша, 20 минут бұрын 5 жастағы ұлы жоғалып кеткен.
Жедел-іздестіру жұмыстары дереу басталған.
Полицейлер жасөспірім баланың дыбысын тұрғын үй ауласындағы кәріз шұңқырынан байқап шығарып алуға талпынған. Балаға төнген қауіп пен уақыттың тығыздығын ескеріп, полицей өзге әріптестерін де көмекке шақырады. Кәріз құдығының қақпағы тар болғандықтан бүлдіршіннің денесіне зақым келтірмей құтқарып алып шығу үшін 5 минуттай уақыт кеткен.
Қазір баланың денсаулығы жақсы, дәрігерлер тексеруінен өткізілді.