Атырау облысында осы жылдың 5 айында 303 жол-көлік оқиғасы тіркелген. Ал 2023 жылдың алғашқы 5 айында бұл көрсеткіш 176-ны көрсеткен еді. Яғни, өңірдегі тас жолдарда жол-көлік оқиғасы 2 есеге артқан. Бұл туралы «Жолда қабылдау» акциясы кезінде құқықтық статистика және арнайы есепке алу жөніндегі комиететтің Атырау облысындағы қызметкерлері айтты.
Профилактикалық іс-шараға «Қазавтожол», «Кажсервис» мекемесінің өңірдегі мамандары, полицейлер мен арнайы прокурорлар қатысты. Олар «Атырау-Доссор» трассасында жүргізушілерді тоқтатып, жол ережесін сақтауға шақырды. Үнпарақ таратып, жол белгілеріне бағыну керектігін еске салды.