Атырау мұнай өңдеу зауытының 4 қондырғысында қоршаған ортадағы эмиссияларды мониторингілеудің автоматтандырылған жүйесі іске қосылды. Экологиялық бақылау құралдары пештер мен қазандықтардан шығатын түтін газдарындағы күкірт диоксиді, күйе, метан, азот оксидтері, көміртегі тотығының концентрациясын бақылап, талдау нәтижелерін автоматты түрде реттеуші органдарға жіберуге мүмкіндік береді. Деректер «Қоршаған орта мен табиғи ресурстардың жай-күйі туралы ұлттық деректер банкі» ақпараттық жүйесіне әр 20 минут сайын жіберіледі.
АМӨЗ ЭМИССИЯЛАР МОНИТОРИНГІНІҢ АВТОМАТТАНДЫРЫЛҒАН ЖҮЙЕСІН ІСКЕ ҚОСТЫ
