Ақтау қалалық білім бөлімінің басшысы ұсталды. Ол қызметтік өкілетін асыра пайдаланып, мектеп оқушыларын тамақтандырумен айналысатын мекемеден пара алған деген күдікке ілінді. Заңсыздықты сыбайлас жемқорлыққа қарсы қызмет әшкерелеген. Тергеу мәліметтеріне қарағанда қаланың бас ұстазы аз қамтылған отбасылардан шыққан балаларды тамақтандыру қызметін көрсету бойынша жасалған шарт шеңберінде жұмыс жасалмаса да, актіге кедергісіз қол қойып, қаражат аударған. Сондай-ақ жалпы қамқорлық көрсеткені үшін де пара алыпты. Қазір күдікті тергеу абақтысында отыр.