Атырау, Caspian News.
Көктемгі аңшылыққа тыйым салынғанына қарамастан заңсыз саятшылық құрып, аң аулаушылардың қатары азаймай отыр. Бұған осыдан үш жыл бұрын орман шаруашылығы және жануарлар дүниесі комитетінің арнайы бұйрығымен шектеу қойылған болатын. Жануарлар дүниесі және аңшылық шаруашылық бөлім басшыларының айтуынша, 2018 жылы 5 құқық бұзушылық тіркелсе, биыл 10-нан астам заңды және жеке тұлғаға әкімшілік хаттама толтырылып, айыппұл салынған. Осыған орайда полиция департаменті, табиғатты қорғау прокуратурасы және басқа да құзырлы органдар бірлесіп рейдтік шаралар жүргізуде.