Теміржолшылардың жалған дипломмен жұмысқа кіріп, тұрақты түрде жалақы алып келгендіктері белгілі болды. Олардың араларында тасымалдау процесін ұйымдастыруға және қауіпсіздікті қамтамасыз етуге жауапты бөлім басшылары да бар. Мұндай ақпаратты Атырау көлік прокуратурасының қызметкерлері таратып отыр. Тексеріс кезінде осындай 18 дерек анықталды. Теміржолшылар Мұхаммеджан Тынышпаев атындағы Көлік және коммуникация академиясының дипломдарын пайдаланған.
Елеусіз ЕСЕНОВ, Атырау көлік прокуратурасының аға прокуроры:
— Кейбіреулері теміржол локомотивін басқарған, желіні жөндеген, күрделі жөндеуден өткен жылжымалы құрамдарды қабылдап отырған. Бүгінде жалған диплом пайдаланған тұлғалардың қызметтері төмендетіліп, өзге жұмыстарға ауыстырылды.