Имандылық пен мейірімділіктің, адамгершілік пен адалдықтың, жанашырлық мен жауапкершіліктің мән-маңызын арттыра түсетін мейрам — Құрбан айтты Еркінқала ауылының халқы жоғары деңгейде атап өтті.
Мешіт ауласына арнайы шатырлар тігіліп, көпшілікке дастархан жайылды, балалар үшін батут пен аттракцион қойылды. Сонымен қатар, гір тасын көтеру, ләңгі тебу, бұқа тартыс сынды спорттың бірнеше түрінен жарыс ұйымдастырылып, жүлдегерлер марапатталды. Барша мұсылман асыға күтетін мейрамды ауыл халқы мен мешіт ұжымы бірлесіп өткізді.