Махамбет ауданының 8 жасар тұрғыны коронавирус жұқтырды. Кішкентай қыз аудандық орталық ауруханада ем қабылдаған. Артынша Covid-19-ға тапсырған сынама нәтижесінде вирус жұқтырғандығы анықталып, инфекциялық стационарға жатқызылды. Одан бөлек, индерлік жүкті әйел мен 4 мамыр күні Астраханьнан келген студент те аталған дертпен ауруханаға түсті. 24 жастағы жігіт сапардан оралған бойда стационарға жатқызылған. Қазір инфекция ошақтары мен науқастармен байланыста болғандар анықталуда. Жалпы, Атырау облысында коронавирус инфекциясын жұқтырғандардың саны 223-ке жетті.
Алдыңғы