Атырау, Caspian News.
Өткен жылы өңірде 58 лауазымдық тұлға тәртіп бұзып, жауапкершілікке тартылыпты. Мұны мемлекеттік қызмет істері және сыбайлас жемқорлыққа қарсы іс-қимыл агенттігінің Атырау облысы бойынша департаменті мәлімдеді. Сондай ақ азаматтардан мемлекеттік қызметкерлердің бейәдебі мен сапасыз қызметіне шағымданған 300-ден аса арыз келіп түскен. Осы фактілер бойынша тексеру жүргізіліп Махамбет аудандық ветеринариялық бөлім басшысының Этикалық кодекс нормаларын сақтамағаны анықталды. Нәтижесінде мемлекеттік қызметкер қатаң сөгіс түріндегі тәртіптік жауапкершілікке тартылды.