Мемлекеттік қызметшілер аумағы атшаптырым кабинеттерде отырғанды жақсы көреді. Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Атырау облысы бойынша департаменті мемлекеттік органдарға түгендеу жұмыстарын жүргізу барысында олардың 10 мың шаршы метрден астам аумақты белгіленген нормадан артық пайдаланғандарын анықтады. Ал оларды өзге мекеме-ұйымдарға жалға берсе, 24 миллион теңгеге жуық қаржыны үнемдеуге болар еді,- дейді аталған департаменттегілер.
