Атырауда газден уланып, 63 жастағы әйел көз жұмды. Оқиға 10-шы қаңтар күні Еркінқала селолық округіндегі жеке тұрғын үйде орын алған. Ал аман қалған 1950 жылы туған азаматшаны құтқарушылар Атырау облыстық ауруханасының жан сақтау бөліміне жеткізген. Мамандардың айтуынша, оқыс жайтқа үйдегі пештің жылыту жүйесінде ақау пайда болып, табиғи газдың айналаға тарауы себеп болған.
