By Түркиядағы ірі мұнай өңдеу зауыттары Ресейге қарсы енгізілген жаңа санкциялардан кейін ресейлік мұнайдың орнын қазақстандық және басқа да елдердің шикізатымен алмастыра бастады, деп хабарлайды Reuters агенттігі.
Атап айтқанда, Әзербайжандық SOCAR компаниясына тиесілі SOCAR Turkey Aegean Refinery (STAR) зауыты желтоқсан айында Ирак, Қазақстан және өзге елдерден төрт партия мұнай сатып алған. Бұл тәулігіне шамамен 77 мыңнан 129 мың баррельге дейін мұнайды құрайды.
Reuters дерегінше, қазан және қыркүйек айларында STAR зауытына түскен мұнайдың барлығы дерлік ресейлік болған — тәулігіне шамамен 210 мың баррель.
Дереккөздердің айтуынша, сатып алынған төрт партияның бірі — Қазақстанның KEBCO маркалы мұнайы, ол сапасы жағынан ресейлік Urals мұнайына ұқсас, бірақ Қазақстаннан жеткізіледі. Биылға дейін STAR зауыты қазақстандық мұнайдың бір ғана партиясын импорттаған, ал 2024 жылы мүлде сатып алмаған.
Сондай-ақ Түркияның тағы бір ірі зауыты — Tupras те ресейлік Urals мұнайына ұқсас, бірақ басқа елдерден, соның ішінде Ирактан, шикізат сатып алуды ұлғайтып отыр.
Мамандардың айтуынша, бұл үрдіс соңғы санкциялар аясында Түркияның мұнай жеткізу бағыттарын әртараптандыруға және тәуекелдерді азайтуға бағытталған қадам болып табылады.
