Атырау, Caspian News.
Бұл қала маңындағы Кеңөзек ауылдық округіне қарасты «Тасқала-3» елдімекені. Тұрғындардың айтуынша, мұнда тұрғындарды қоныстандыру он шақты жыл бұрын басталған. Жергілікті билік инженерлік желілер мен инфроқұрылым нысандарын күтпей-ақ жер телімдерін бөліп берген. Содан бері біраз жыл өтсе де ауылішілік жол мәселесі толықтай шешімін таппай отыр. Жолдың болмауынан түрлі проблема туындап отырған көрінеді. Жаңбырлы күндері тұрғындар жеңіл көліктерін ауылға кіреберіс жолда тастап кетуге мәжбүр, соның салдарынан көліктер де жиі тоналады.
