Облыс орталығындағы жол жөндеу жұмыстарының сапасын бақылау мақсатында рейд өтті. Қала әкімдігінің өкілдері, қоғам белсенділері мен қалалық мәслихат депутаттары 4 жердегі құрылыс жұмыстарының орындалу барысын көрді. Биыл мұндай жұмыс Әуезов, Сырым Датов көшелерінің және Азаттық даңғылының, Атырау-Индер тас жолының бойында жүріп жатыр. Жыл соңына дейін Әуезов көшесінің, Азаттық даңғылының, Балықшы ықшам ауданы мен Зарослый ауылы аралығындағы жолдың кей бөліктері пайдалануға берілмек. Азаттық даңғылы бойындағы жөнделіп жатқан мына учаскенің ұзындығы 2 жарым шақырым. Құрылысы өткен жылдың қыркүйек айында басталды. Қазір бұл аумақта топырақты тегістеу және тығыздау секілді шаруа жасалуда.
Толығырақ: https://fb.watch/kJtJ1vSAnq/
