«Каспий өңірінің көпсалалы жоғары колледжі базасында «Ізденіс – табысқа жетелейді» тақырыбында облыстық педагогикалық идеялар жәрмеңкесі өтті. Оған қала мен ауыл-ауданнан шамамен 150-ге жуық ұстаз қатысып, оқушымен байланыс орнату, топтық жұмыс, сандық технологияны сабақта қолдану жайы айтылып, талқыланды. Іс-шараны «Өрлеу» біліктілікті арттыру ұлттық орталығы» АҚ Атырау облыстық филиалының басшылығы ұйымдастырды. Басты мақсат — өңірдегі педагог-зерттеушілердің оқу процесіндегі озық тәжірибесін өзгелерге үлгі ету, пайдалануына ықпал ету.
ОБЛЫСТЫҚ ПЕДАГОГИКАЛЫҚ ИДЕЯЛАР ЖӘРМЕҢКЕСІНЕ 150-ГЕ ЖУЫҚ ҰСТАЗ ҚАТЫСТЫ
