Маңғыстаулық және атыраулық шекарашылар Каспий теңізінде рейд жүргізіп, шекара тәртібін бұзған 52, аумақтық және ішкі суларда жүріп-тұру ережесіне мойынұсынбаған 77 адамды ұстады. Олардан 54 жүзу құралы, жалпы ұзындығы 245 шақырым болатын ау-тор тәркіленді. Нәтижесінде заң бұзғандарға қатысты әкімшілік іс қозғалып, 6 миллион теңге айыппұл салынды.
Браконьерлерден алынған 63 итбалық пен 1226 бекіре тұқымдас балық табиғи ортасына жіберілді. Олардың жалпы салмағы 6 тонна шамасында. Мемлекетке келген шығын 2, 3 миллиард теңгеден асады.
