Республика күніне орай Мақат ауданында «Мәңгілік жаса, қыран елім, Қазақстаным!» атты мерекелік іс-шара өтті. Салтанатты жиынға қатысқандарды аудан әкімі Ринат Ибрагимов құттықтап, бір топ тұрғынды марапаттады. Аудан әкімінің алғыс хатына ие болғандардың қатарында мемлекеттік қызметші, полиция инспекторы, жол жөндеуші, монтер, жүргізуші және музей қызметкері болды. Ал қайырымды істерімен көзге түсіп жүрген Мақат балалар мен жасөспірімдер спорт мектебінің жаттықтырушысы Әнуар Теңдібайға Мәдениет және ақпарат министрлігінің «Қайырымдылық үшін» төсбелгісі табыс етілді.
