Мақат ауданында ұстаздар арасында ардагер спортшы Әділбек Ерғожиевты еске алуға арналған спартакиада ұйымдастырылды. Волейбол, үстел теннисі, футзалдан өткен іс-шараға аудандағы 8 мектептен 80-ге жуық мұғалім қатысты. Жарыс нәтижесінде І орынға Бержан Қанатбаев атындағы орта мектебі, ІІ орынға Латиф Шахатов атындағы орта мектебі, ІІІ орынға Сабыр Шәріпов атындағы мектеп-интернатының ұстаздары ие болды. Әділбек Ерғожиев1970 жылы Мақат кентінде дүниеге келген. Дене шынықтыру және спорт мамандығы бойынша білім алған ол еңбек жолын мұғалім болып бастап, аудандық спорт бөлімінің басшысына дейін жоғарылады. Саналы ғұмырын ұрпақ тәрбиесіне арнаған ардагер спортшы облыс көлемінде тәлімгер ұстаз атанды.
Толығырақ https://fb.watch/k-Rn9z9Bym/
