Атырау, Caspian News.
Балық шаруашылығы және логистика. Қазақстан мен Оңтүстік Корея арасындағы әріптестік алдағы уақытта осы бағытта дамымақ. Бұл туралы Халел Досмұхамедов атындағы Атырау мемлекеттік университетінде өткен “SUB Caspian – 2019” деп аталатын халықаралық форумда айтылды. Пленарлық мәжіліс кезінде шетелден келген қонақтар Корей теңіз Институты туралы толыққанды ақпарат таратты. Айта кетейік, аталған институт ғылым мен техника, балық өсіру бойынша білім беретін Оңтүстік Кореядағы ең беделді оқу орындарының бірі саналады. Сондай-ақ, кәрістер Жайықтағы жағдайға қатысты да пікір білдірді.
