2025 жылы «Ұлттық қор – балаларға» жобасы бойынша төлем шамамен 20%-ға өсуі мүмкін. Яғни әр бала 118-ден 120 долларға дейін алуы ықтимал. Мұндай мәліметті Сенат отырысында Қаржы министрі Мади Такиев жария етті. «Қазір біз 1-қаңтардағы бала санын есепке алып, 118–120 доллар шамасында деп болжам жасап отырмыз. Бірақ 1-ақпанға дейін тағы бір рет есептеп, нақты соманы жария етеміз», – деді Такиев. 2024 жылдың ақпан айында «Ұлттық қор – балаларға» бағдарламасы бойынша 18 жасқа дейінгі барлық балаға бірдей мөлшерде 100 доллардан сәл астам қаражат аударылған еді.
КЕЛЕСІ ЖЫЛЫ ӘР БАЛАҒА ҰЛТТЫҚ ҚОРДАН 118-120 ДОЛЛАР ТҮСУІ МҮМКІН
