Батыс өңірде жасалған браконьерліктің 80 пайызы Атырау облысында тіркеледі. Бұл «Бекіре-2020» балық қорғау акциясы аясында белігілі болып отыр. Жыл сайынғы шара барысында бір айда 700 заң бұзушылық анықталған. Оның 500-ден астамы мұнайлы өлкеге тиесілі. 50 шақтысы Маңғыстау облысы мен жүзге жуығы Батыс Қазақстан облысында орын алған. Қазір әкімшілік жауапкершілікке тартылған 500 заңбұзушыға жеті жарым миллион айыппұл салынып, 22-сіне қатысты қылмыстық іс қозғалды.
Рустем ҚОРҚЫТОВ, Атырау облысы Орман шаруашылығы және жануарлар дүниесі аумақтық инспекциясының бас маманы
— Браконьерлерден тәркіленген заңсыз заттардың ішінде 300 балық аулау, 50 жүзу құралы мен 8 көлік анықталды. Және 8 тонна су маржаны, 610 кг бекіре тұқымдас балық, 16 кг-нан астам қара уылдырық тәркіленді.
Жайық арнасы күн сайын сүзіліп, тазартылады. Акция басталғалы өзеннен екі мың жарымнан астам балық аулау құралы табылған. Оның дені моноталшықтан жасалған синтетикалық торлар,- дейді инспекциядағылар.
