Балабақшалар әзірге ашылмайды. Қалалық Білім бөліміндегілер соңғы уақытта әлеуметтік желіде таралған хабарламаларға осылай деп нүкте қойды. Whatsapp чаттарындағы жазбаларда ата-аналардан жұмыс орнынан алынған анықтама арқылы балаларының мектепке дейінгі ұйымдарға қабылданатындығы айтылған. Мамандар бұл мәліметтерді түгелдей жоққа шығарды. Алайда балабақшалардың нақты қашан ашылатын кесіп айта алмады. Оған карантин кедергі болуы мүмкін.
Айжан ИСМАҒАМБЕТОВА, қалалық Білім бөлімінің бас маманы
- Мемлекеттік немесе жекеменшік балабақшаларда кезекші топтарды ашу мүмкіндігі жоқ. Сонымен қатар, Атырау облысы Бас санитар дәрігерінің 2020 жылғы 10 мамырдағы 44-ші қаулысында да рұқсат етілетін объектілердің ішінде мектепке дейінгі білім беру ұйымдарын, кезекші топтарды ашу жөніндегі де нақты нұсқаулық жоқ.
