Ақтауда «Таза Қазақстан» экологиялық акциясы аясында 325 ағаш егілді. Науқанның бірінші аптасында қала ішінде сенбілік ұйымдастырылып, көшелер тазаланып, жаңадан салынған шағын аудандарға 300-ден аса тал-терек отырғызылды. Маңғыстаудың желі мен аптап ыстығына шыдамды айлант және қылқан жапырақты туяның көшеттері таңдалыпты. Жасыл-желек тамшылату әдісімен суарылады. Жалпы, жыл басынан бері Ақтау қаласының аумағына мыңға жуық ағаш пен он мың дана бұта егілген. Оған коммуналдық сала қызметкерлерінен бөлек тұрғындар да атсалысыпты. «Таза Қазақстан» акциясы аясында тарихи-мәдени ескерткіштер мен теңіз жағалауы да абаттандырылмақ. Бұл жұмысқа шаһар әкімінен бастап тұрғындар түгел атсалыспақ.
What is your reaction?
Excited
0
Happy
0
In Love
0
Not Sure
0
Silly
0
