Жайық өзені 14-мамыр күні Индербор кентінің тұсында 3 см-ге көтеріліп, 10 метр 41 см-ге жетті. Қауіпті деңгейден 196 см асып тұр. Махамбет ауылы маңында Жайық өзенінің деңгейі бір тәулікте 14 см-ге көтеріліп, су деңгейі қазір 980 см-ді көрсетті. Мұнда да сол – қауіпті саналатын көрсеткіштен 130 см асып кетті.
Атырау қаласында Жайық өзенінің деңгейі бір тәулік ішінде 6 см-ге көтеріліп, қазір 551 см-ге жетті. Қауіпті деңгейден 1 см асып тұр. Қиғаш-Шортанбай бекетіндегі су деңгейі бір тәулік ішінде 3 см-ге төмендеп, қазір 369 см боп тұр. Қауіпті деңгей 5 метр.
Қиғаш-Бөкейхан бекетіндегі су деңгейі де 3 см-ге төмендеген. БҚО-дағы Тайпақ ауылының тұсында Жайық деңгейі 14-мамыр күні 5 см-ге төмендеді. Қазір мұндағы су деңгейі 922 см. Иреклі суқоймасынан секундына 162 текше метр су жіберіліп жатыр.
