Атырауда шетелдік азаматтар жауапқа тартылды

Атырауда «Мигрант» жедел шарасы аяқталды. Бұл туралы cntv.kz   тілшісі хабарлайды.

Екі күнге созылған тексеріс кезінде шетелдіктердің ел аумағына келу, болу тәртібі ережелерін бұзған 200-ден астам дерек анықталып, 227 шетелдік азамат жауапқа тартылды.

Оның ішінде заңсыз жұмыс жасаған 140 тұлғаға қатысты хаттама толтырылып, шетелдік еңбек күшін заңсыз пайдалаған 20-ға жуық атыраулық та жауаптан құтылмады.

Сондай-ақ, еңбек етуге рұқсат қағазы жеке азаматтардың шағын құрылыстары үшін ғана берілгеніне қарамастан, 56 Өзбекстан азаматының еліміздің заңын аяқ асты етіп, қаладағы ЖШС-терінің біріне тиесілі ғимаратты салуға жұмысқа тұрғандықтары анықталды.