Атырау. Caspian News. «Бақытты отбасы» бағдарламасына Атырау облысы бойынша 2,5 млрд. теңге бөлінген. Бұл жоба арқылы жиырма жылға 2 пайыздық жылдық мөлшерлемемен баспана алуға мүмкіндік бар.

Баспана бағасы қалада 15 млн.-нан, аудандарда 10 млн. теңгеден аспауы шарт. Жаңа жобаға тұрғын үй кезегінде тұрған көпбалалы аналар, кәмелет жасқа толмаған балалары бар толық емес отбасы, сондай-ақ, отбасында мүмкіндігі шектеулі баласы бар азаматтар қатыса алады. Баспасөз мәслихатын өткізген энергетика және тұрғын үй-коммуналдық шаруашылық басқармасының басшысы Мұрат Иғалиевтің сөзіне сенсек, қала мен аудандарда аталған бағдарламаны толыққанды түсіндіру жұмыстары басталып кетіпті.