Ауылдардағы ауыз су бағасы арзандады. Исатай, Нарын, Х.Ерғалиев ауылдары мен Қызылүй, Жасқайрат елдімекендерінің тұрғындары үшін тариф төмендетілді. Бұл туралы Табиғи монополияларды реттеу және бәсекелестікті қорғау комитетінің Атырау облысы бойынша департаменті мәлімдеді. Енді елдімекен тұрғындары бір текше метр суға 178,5 теңге төлесе, Нарын мен Хамит Ерғалиев ауылының халқы үшін су тарифі 50 теңгеге арзандап, 155,5 теңгені құрап отыр. Сонымен қатар сарқынды су үшін төленетін құн да төмендетілген.
Құндыз ҚАБЛЕНОВА, табиғи монополияларды және бағаны реттеу бөлімінің бас маманы
- Департаментке «Қамысқала су арнасы» ЖШС тарифтерді бекітуге өтінім келіп түсіп, қортынды жасалды. Талдау қортындысы негізінде 20 жылдың 1 маусымынан бастап қолданысқа енгізілуімен, Исатай ауданы, Исатай, Нарын, Ерғалиев ауылдары, Қызылүй, Жасқайрат елдімекендері бойынша суды таратушы желілер арқылы беру бойынша тариф 7,96 пайыздан, 21,7 пайызға төмендетілуімен тарифтер бекітілді.
