Енді іздеген дәріңіздің қайда сатылатынынын мобильді қосымша арқылы анықтауға болады. Атыраулық Асылбек Бисенов бұл жобаны бір жыл бұрын қолға алған. Бағдарламаны жүктеген соң, қажетті препаратты енгізген бойда оның қай жерде қолжетімдігі екендігі шығады. Осы арқылы алысқа сабылмай, жақын маңайдағы дәріханаға баруға болады. Дәл қазір мобильді қосымшада 500-ден аса аптека желісі тіркелген. «Өзім фармацевт болғандықтан, жобаның көпшілікке ыңғайлы екендігін бірден түсіндім» дейді өнертапқыш.
Асылбек БИСЕНОВ, өнертапқыш
— «Indrug» мобильді қосымшасын қарапайым халық та, дәріханадағы фармацевт те қолдана алады. Оны App Store немесе Play Market арқылы телефондарына жүктеп алады. Сол арқылы үйде отырып-ақ дәрі іздейтін мүмкіндік пайда болды.
