Атырау, Caspian News.
Қазақ бесқонақ атап кеткен табиғаттың кешегі тосын мінезінен әлеуметтік нысандар да бүлінді. Мысалы, Исатай ауданына қарасты Хамит Ерғалиев ауылындағы Ғибатолла Масәлімов атындағы орта мектептің шатыры ұшып кетті. Бүлінген аумақ 45 шаршы метр шамасында. Сондай-ақ, Жылой ауданы Тұрғызба ауылындағы №4-ші мектептің де шатыры қатты желге шыдас бермей, жерге түсті. Зардап шеккен ешкім жоқ. Қазіргі уақытта келген шығын көлемі анықталуда.