Атырау, Caspian News.
Өңірлік коммуникациялар қызметінде «Билер кеңесі» қоғамдық бірлестігі мүшелерінің қатысуымен брифинг өтті. Жиын барысында «Билер кеңесі» жиналғандарды бірлестіктің жұмысымен таныстырды. Атырау облысында аталған ұйым облыстық сот төрағасының бастамасымен Қазақстандағы алғашқы кеңес беру ұйымы ретінде құрылған. Бірлестіктің басты мақсаты – азаматтар арасында туындаған дауды бейбіт түрде шешу және азаматтардың арасындағы тұрақтылықты сақтау болып табылады. Қазіргі таңда «Билер кеңесі» құрамында Атырау облысының құрметті 13 азаматы бар.
