Атырау, Исатай ауданы, Caspian News.
Наурыз тойына арналған шаралар легі Исатай ауданында жалғасуда. Солардың бірі — қайырымдылық акциялары. «Жылы Жүрек» деген атаумен өткен ақындар айтысының басты мақсаты — аудандағы әлеуметтік жағынан аз қамтылған отбасыларға баспана сыйлау. Тұщықұдық ауылдық округінде өткізілген ақындар айтысының ұйымдастырушысы «Алтын тұғыр» қоғамдық қоры. Айтуларынша, айдың аяғына дейін түрлі форматта өтетін шара қорытындысы бойынша аққыстаулық мұқтаж бір отбасына пәтер сыйламақ.