Бүгінгі көрісу мейрамы облыс аудандарында да салтанатты түрде аталып өтілді. Исатайлықтар тіккен аққанат киіз үйлер мерекелік шараға ерекше реңк берсе, жиналған жұрт қыстан аман шықтық деп бір-бірімен есендікте қауышқандарына шүкіршілік айтысты. Жалпы аудан тұрғындары бұл мерекені түрлі форматта өткізбек. Көше мейрамын жасап, жұртшылықты бір-бірімен табыстырмақшы, сонымен қатар әр көшенің шарасын арнайы комиссия бақылап, алда келе жатқан наурыз тойында үздіктерді анықтауды жоспарлап отыр. Мереке өнерпаздардың ән-жырына ұласты.
