Жайықта балықтың жаппай қырылу дерегі Астанадағы тиісті министрлік өкілдерін де шындап алаңдатса керек, олар Атырауға арнайы іссапармен келді.
Шенеуніктер мәселені әдеттегідей дөңгелек үстел басына жиналып талқыламастан бұрын, балығының көп бөлігінен айрылған Жайық жағасына барып, судан сынама алды. Балық аулаумен айналысатын кооперативтерге барып, ау салып көрді. Өкінішке қарай, торға түскен балықтардың кейбірі өлі шықты.
