Енді салықты уақытында төлемегендер тәуекел дәрежесіне байланысты арнайы топқа бөлінеді.
Яғни, салық берешегі барлардан жоғары, орташа, төмен санаты бойынша өндіріп алу шаралары қолданылады. Төмен санаттағыларға әкімшілік-құқық бұзушылық жасамай, дер кезінде борышын өтейтіндер кіреді. Мысалы, салықты төлеу бір себептерге байланысты 1-2 күнге кешіктірілсе, өсім мен айыппұл салынбай, өз еркімен төлеуге мүмкіндік берілмек. Бірақ, салық ұзақ уақыт төленбесе, тиісті шаралар қолданылады. Ал осындай әрекет бір жылда бірнеше рет қайталанса, келесі жылы орташа санатқа көшіріледі. Сондай-ақ, тұрғын берілген мүмкіндікті пайдаланып, борышын аз уақытта жауып үлгерсе, оған төменгі санатта қалуға мүмкіндік беріледі.