«Құлыным». Кішкентайларға қазақ тілін үйрететін жоба осылай аталады. Назарбаев зияткерлік мектебінің 8 сынып оқушысы Асқар Әлмұхамбетов ойлап шығарған қосымша арқылы мектеп жасына дейінгі балалар ана тілін интерактивті тапсырмалар арқылы меңгере алады. Бұл бағдарламаны Апстор және Плэймаркет қосымшаларына енгізу қомақты қаражатты талап еткендіктен, оны қолдану әзірге мүмкін болмай тұр. Бірақ, оны жасақтаушылардың айтуынша, мамыр айына дейін бұл бағдарлама өңделіп, толық форматта қолданысқа енгізілетін көрінеді.