Астанада Елбасының қатысуымен жастар жылының ашылу салтанаты өтті. Елдің барлық аймағынан жиылған олар Елбасының алдында кезек-кезек сөз алып, тындырып жатқан істері мен мақсат-жоспарлары туралы айтып берді. Тікелей эфирде таратылған басқосуды атыраулықтар да тамашалады. Олар өздерінің де, өзге өңірлердегі замандастарының да Президент Нұрсұлтан Назарбаевтың берген тапсырмаларын бірауыздан қолдап, жүзеге асыратындықтарына сенімді.